“Google”a qarşı açılan rəqabət iddiası yekunlaşıb və axtarış nəhənginin “qanunsuz monopoliya”ya sahib olduğuna qərar verilib.

İndex.az xəbər verir ki, bu vəziyyət “Apple”in “Google”dan aldığı 20 milyard dolları təhlükə altına qoya bilər.

“Google”un “qanunsuz monopoliya” olması qərarı şirkəti irimiqyaslı rəqabət davalarının gözlədiyindən xəbər verir.

Şirkət bu qərardan şikayət edəcəyini bildirsə də, aylar, hətta illərlə davam edən hüquqi mübarizələrin şahidi olacaq.

Təhlilçilər bildirirlər ki, “Google” antiinhisar iddialarından qaçmaq üçün axtarış sistemini “Apple” cihazlarında defolt edən müqaviləni ləğv etməli ola bilər.