Fransada 250 bank şöbəsi, 200 mağaza talan edildi
2-07-2023, 08:34
Fransada dörd gün davam edən iğtişaşlar zamanı 250-yə yaxın tütün mağazası, 250 bank şöbəsi və 200 ərzaq mağazası talan edilib.
Axar.az xəbər verir ki, bunu Fransanın iqtisadiyyat naziri Bruno Le Maire deyib.
O bildirib ki, zorakılıqdan əziyyət çəkən satıcılara sığorta şirkətləri ilə əlaqə saxlamaq üçün kifayət qədər vaxt veriləcək və yay satışları bir həftə uzadılacaq.
Qeyd edək ki, iyunun 27-də səhər saatlarında polis əməkdaşları Nanterdə yolda yoxlama zamanı 17 yaşlı yeniyetməni güllələyiblər. Bunun ardınca Fransanın bir sıra şəhərində iğtişaşlar başlayıb.
