Ukrayna ordusu cəbhənin 5 istiqamətində əks-hücum əməliyyatına başlayıb. Düşmən tərəfin arxa hissəsi raketlərlə vurulub.

Publika.az xəbər verir ki, Müharibə Araşdırmaları İnstitutunun (ISW) analitikləri Ukrayna Silahlı Qüvvələrinin cəbhənin 5 sektorunda uğurlu əks-hücum əməliyyatları həyata keçirdiyini, həmçinin Rusiyanın arxa mövqeyinə raket zərbələri endirildiyini bildiriblər.

ISW-nin icmalında Rusiyanın İrandan "Şahed" tipli dronları almağa davam etməsi və Rusiyada bu dronların istehsalına şərait yaradılması barədə məlumat da yer alıb.

Ekspertlər "Vaqner" üsyanından sonra Kremlin Rusiyada potensial silahlı üsyan riskindən narahatlığının davam etməsinə də diqqət çəkiblər.