Beyndə insanların çoxunun istifadə etmədiyi böyük imkanlar var. Bununla belə, Tibet rahibləri dərin meditasiya zamanı beyinlərinin bütün imkanlarından istifadə edə bilirlər.

Qaynarinfo xəbər verir ki, bu barədə gazeta.ru-ya M.V. Lomonosov adına Moskva Dövlət Universitetinin Biologiya fakültəsinin neyrofiziologiya və beyin-kompüter interfeysi laboratoriyasının rəhbəri, neyrofizioloq Aleksandr Kaplan bildirib.

"Biz bu imkanları inkişaf etdirmirik, əksinə, həyatımızın artan primitivləşməsi səbəbindən onları tədricən itiririk. Bu arada, Yer kürəsində hələ də sivilizasiyadan təsirlənməmiş və beyninin gücündən tam istifadə edən insanlar var. Məsələn, Tibet rahibləri dərin meditasiya zamanı bunu edirlər. Yeri gəlmişkən, buna görə də mənim tədqiqat məntəqlərimdən biri Hindistandakı Tibet monastırlarında yerləşir", deyə Kaplan bildirib.

Onun konsepsiyasına görə, insan beynində fiziki dünyanı simulyasiya edən dinamik psixi model var. Ətraf mühitə uyğunlaşarkən bu, dərhal insana böyük bir üstünlük verir: yaxın gələcəyi proqnozlaşdırmaq bacarığı:

"İnsan beyni, sanki, bu iş üçün təkamüllə itilənib. O, milyard əməliyyat elementini, sinapsları ehtiva edir ki, bu da müasir prosessorlardakı tranzistorların sayından çox böyükdür. Bu, yəqin ki, insan ehtiyacları çərçivəsində reallığı imitasiya etmək üçün kifayətdir".