Ziya Məmmədovun bacısı işdən çıxarıldı - Açıqlama

20-09-2017, 20:08           
Ziya Məmmədovun bacısı işdən çıxarıldı - Açıqlama
Keçmiş nəqliyyat naziri Ziya Məmmədovun bacısı Məhbubə Məmmədova işdən çıxarılıb.

Axar.az-ın əldə etdiyi məlumata əsasən, hazırda onun direktoru olduğu "Tərəqqi" liseyində nazirlik işçiləri valideynlərlə görüş keçirir.

Valideynlərin sözlərini sərbəst deməsi üçün məktəb rəhbərliyi və müəllimlər iclasa buraxılmayıb. İclasda valideynlər məktəbdə baş verən neqativliklər haqda danışıblar.

Valideynlərin verdiyi məlumata görə, direktorun işdən çıxarılması məsələsi bu iclasda bir daha təsdiqlənib.

Qeyd edək ki, hələ Misir Mərdanov təhsil naziri olarkən, "Tərəqqi" liseyində direktorun özbaşınalığı barədə şikayətlər daxil olmuş, nazir Misir Mərdanov olaya münasibət bildirmişdi.

Xatırladaq ki, Təhsil Nazirliyinin mətbuat xidmətinin rəhbəri Cəsarət Valehov APA-ya açıqlamasında Ziya Məmmədovun bacısı Məhbubə Məmmədovanın direktoru olduğu "Tərəqqi" liseyində araşdırma aparıldığını qeyd etmişdi.

***

Təhsil Nazirliyinin mətbuat katibi Cəsarət Valehov Axar.az-a açıqlamasında artıq bu barədə saytın məlumat yaydığını, əlavə heç nə demək istəmədiyini bildirdi.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.