Castin Biber ilk dəfə olaraq, onu qalmaqallı reper Şon Kombs (P.Diddy - red.) ilə əslində nəyin bağladığını açıqlayıb.

Bu barədə TMZ məlumat verib.

O, P.Diddi ilə 15 yaşında tanış olub.

Reperin zorlama, zorakılıq və insan alverində ittiham olunması ilə bağlı məhkəməsi davam edir. Bu vəziyyətlə əlaqədar Biberin adı tez-tez gündəmə gəlir.

İndi Castinə yaxın mənbələr bildiriblər ki, reper heç vaxt ona qarşı nalayiq davranmayıb. Biber P.Diddi tərəfindən cinsi və ya digər zorakılıq obyekti olmayıb.

İnsayderlər həmçinin qeyd edirlər ki, Biber repçinin oğulları Kuinsi və Castin Kombs ilə sadəcə dost olub.

"Castin P.Diddy-nin qurbanlarından biri olmasa da, onun həqiqətən də zərər verdiyi insanlar var", - Biberin nümayəndəsi bildirib.