Türkiyədə dollar və avro yenidən bahalaşıb.

Bir müddət əvvəl gündəlik olaraq müəyyən qədər lirə dəyər qazansa da, sonradan yenidən ucuzlaşma tendensiyası başlayıb.

Cebhe.info Türkiyə birjasına istinadən xəbər verir ki, hazırda 1 dollar 6.85 lirəyə mübadilə olunur. Bu isə 0.27 faiz bahalaşma deməkdir. Avronun məzənnəsi isə 0.19 faiz bahalaşaraq 7.71 lirəyə çatıb. Qızılın qiymətində isə müəyyən sabitləşmə hiss olunur. Artıq 3 gündür ki, qızılın 1 unsiyası 1725 dollara təklif olunur.

Qeyd edək ki, Azərbaycan manat dollar qarşısındakı sabitliyini hələ də qoruyur. Artıq 2 ilə yaxındır ki, 1 dollar 1.70 manat dəyərindədir. Avro-manat münasibətlərində isə cüzi dəyişikliklər müşahidə olunur. Hazırda 1 avro 1.9134 manatdır. Ötən gün isə bu avronun məzənnəsi 1.9161 manat idi