Fəthullahçı Terror Təşkilatı 800 əsgəri hərbi çevriliş cəhdindən kənarda saxlayaraq, ikinci bir çevriliş cəhdi üçün hazırlayıb.
Publika.az Türkiyə mediasına istinadən xəbər verir ki, bu haqda İstanbul Respublika Baş prokurorluğu tərəfindən hazırlanan iddianamədə deyilir.
Məlumata görə, bu əsgərlər FETÖ-nün kriptolu xəbərləşmə sistemi olan “Bylock”dan istifadə ediblər. Onlar hərbi çevriliş cəhdi müvəffəqiyyətsiz olacağı halda ikinci bir çevriliş cəhdində iştirak etmək üçün hazır vəziyyətdə gözləyirdilər. Lakin sonradan bu plandan imtina edilib.