Həddən artıq şəkər istehlak etmək xərçəng xəstəliyinə yoluxmaq riskini artırır.

Axar.az xəbər verir ki, bu qənaətə ABŞ-ın Anderson adına Onkoloji Mərkəzinin alimləri gəlib.

Alimlər siçanlar üzərində təcrübə aparıb. Bəzi heyvanlara Qərb ölkələrində istehlak olunan səviyyədə saxaroza, bəzilərinə isə şəkərsiz nişasta verilib.

Nəticədə alimlər belə qənaətə gəliblər ki, birinci qrupun qanında şəkərin səviyyəsinin artması şişin sürətlə böyüməsinə səbəb olur.

Bundan başqa alimlər yüksək fruktozalı qarğıdalı siropunun siçanların ağciyərlərində metastazlara yol açdığını görüblər.

Alimlər xərçəng, şəkər, ürək xəstəliyi, piylənmə riskini azaltmaq üçün şəkər istehlakını tamamilə azaltmağı tövsiyyə ediblər.