ABŞ və Böyük Britaniya alimləri Z nəslinə (zumerlər) aid olan 18-24 yaş arası insanların dünyanın 46 ölkəsində ən bədbəxt yaş qrupu olduğunu müəyyən ediblər.

"De Telegraaf" nəşrinin verdiyi xəbərə görə, bu barədə məlumat ABŞ-nin Nyu-Hempşir ştatındakı Dartmut Kolleci və London Universitet Kollecinin araşdırmasında yer alıb.

Alimlər Z nəslinin nümayəndələri arasında xoşbəxtliyin azalmasının konkret səbəbini müəyyən edə bilməsələr də, bu nəsildə yaranan bir sıra problemləri qeyd ediblər. Məsələn, bir çox zumer müntəzəm olaraq məktəbə getmir və psixi sağlamlıq problemlərinə görə tez-tez işi erkən tərk edir.

Araşdırmaya görə, Z nəslinin nümayəndələrinin 48%-i psixi sağlamlıq problemlərinin yaranması riski altındadır.

Araşdırma, həmçinin müəyyən edib ki, ən xoşbəxt insanlar 45-70 yaş arası insanlardır. Alimlərin fikrincə, onların psixi sağlamlığı zumerlərdən xeyli yaxşıdır.