Müdafiə Nazirliyi müharibədə iştirak edib ancaq medalla təltif olunmadıqları iddiası ilə Nazirliyin Şəxsi Heyət Baş İdarəsi qarşısında toplaşanlarla bağlı məlumat yayıb.

Nazirlikdən Reportyor.info ya bildirilib ki, həmin şəxslər qurumun rəsmiləri tərəfindən qəbul edilib.

Görüş zamanı bildirilib ki, hərbi qulluqçuların müvafiq medallarla təltif olunmaları onların keçdikləri döyüş yolu və müharibədə bilavasitə iştirakı amilinin araşdırılması yolu ilə həyata keçirilib.

Görüşdə vətəndaşlar dinlənilib və müraciətləri ilə bağlı ərizələr alınaraq məsələnin araşdırılması məqsədilə hərbi hissələrə müvafiq tapşırıqlar verilib.
Teref.az qeyd edir ki, etiraz iştirakçılarının dediyinə görə bu gün onları heç kim qəbul etməyib. Ərizələri 4-5 ay bundan əvvəl və keçən dəfə yazıblar, heç bir nəticəsi yoxdur. Sadəcə baş aldadırlar!
Teref.az