Fındıq yağı dərini qidalandıran və qoruyan təbii yağlardan biridir. Foodinfo.az xəbər verir ki, fındıq yağı dərini dərinləşdirilmiş şəkildə nəmləndirir və quru dərilər üçün ideal seçimdir. Tərkibindəki E vitamini və yağ turşuları dərinin elastikliyini artırır. Bu yağ komedogenliyi aşağı olan yağdır, yəni məsamələri tıxamır. Ona görə yağlı və sızaya meyilli dərilər üçün də istifadə oluna bilər. Tərkibindəki E vitamini və flavonoidlər dərini sərbəst radikalların zərərindən qoruyaraq qocalma əlamətlərini gecikdirir. Fındıq yağı təbii SPF xüsusiyyətinə malikdir, yəni günəşin zərərli təsirlərini azaldır. Həmçinin külək və soyuq havanın yaratdığı quruluğa qarşı qoruyucu bir qat yaradır. Antiiltihab xüsusiyyətləri sayəsində həssas və zədələnmiş dərini sakitləşdirir, qızartıları və qaşıntını azaldır. Dərinizə fındıq yağı çəkmədən əvvəl allergiyanızın olmadığını yoxlamaq üçün əvvəlcə kiçik bir bölgədə test etmək daha məqsədəuyğundur.