AzPolitika.info xarici mənbələrə istinadla xəbər verir ki, tarixdə ilk dəfə olaraq Şimali Koreyada bank qarət olunub. Anonim mənbəyə istinadla «Azad Asiya» radiostansiyasının yaydığı xəbərə görə, basqın günün-günorta çağı baş verib.

Yerli sakinlərin sözlərinə görə, naməlum şəxslər Koreya Xalq Demokratik Respublikası (KXDR) Mərkəzi Bankının (MB) şimal-şərq filialına daxil olaraq, bankın bütün nağd vəsaitini zorla ələ keçiriblər. Basqınçıların əldə etdiyi pulun məbləği təxminən, 70 milyon von (9 min dollara yaxın) təşkil edir.

Xəbərdə deyilir ki, bankın binası əhalinin sıxlıq təşkil etdiyi ərazidə yerləşir və yaxşı mühafizə olunur. Amma basqın anında mühafizəçilər iş yerində olmayıblar.

İstintaq hesab edir ki, soyğunçuların bankda əlbir olduğu şəxslər var.