Albaniyanın paytaxtı Tiranada Aİ-Qərbi Balkan ölkələri Sammiti keçirilib.
Bakupost.az xarici mediaya istinadən bildirir ki, zirvəyə son anda qatılmağa qərar verən Serbiya Prezidenti Aleksandar Vuçiç sessiyadan əvvəl jurnalistlərin suallarını cavablandırıb.
Zirvəyə ölkəsinin mövqeyini qorumaq üçün qatıldığını qeyd edən Vuçiç, "Tirana Avropa İttifaqı iderlərinin fikirlərini öyrənmək və Serbiyanın nə düşündüyünü söyləmək üçün gəldim. Süfrə arxasında olmaq hər zaman yaxşıdır. Əks halda, masada yox, menyuda olacaqsan”.
Sammit çərçivəsində Serbiya prezidenti Vuçiçin İtaliyanın baş naziri Giorgia Meloni, Hollandiyanın baş naziri Mark Rutte, Belçikanın baş naziri Aleksander de Kroo və Fransa Prezidenti Emanuel Makronla görüşləri nəzərdə tutulub.