Fransa və İngiltərə arasında futbol qarşıdurması ölkə rəhbərlərinin də “qarşıdurması”na səbəb olub.
Fransa Prezidenti Emmanuel Makron Tvitter hesabında Böyük Britaniya Baş naziri Rişi Sunaka müraciətində yazıb:
"Bugünkü görüşü səbirsizliklə gözləyirəm. Fransa qalib gəlsə, yarımfinalda bizə uğurlar arzulayacaqsınız?”
Sunakın cavabı özünü çox gözlətməyib:
“Ümid edirəm ki, bunu etmək məcburiyyətində qalmayacağam. Amma biz razılaşdıq. Gözləyirəm ki, növbəti mərhələdə İngiltərəni dəstəkləyəcəksiniz".
Qeyd edək ki, hazırda davam edən matçda ilk hissə oynanılır və Fransa 1-0 öndədir.