Latviyada yaşayan 3,6 min rusiyalı ölkəni tərk etmək məcburiyyətində qalacaq
19-09-2023, 12:19
Latviyada yaşayan təxminən 3,6 min rusiyalı latış dili imtahanından keçmədiyi üçün ölkəni tərk etməli olacaq.
Bu barədə “Zinas.tv3” məlumat yayıb.
“Gələn həftə 3 600 Rusiya vətəndaşı üç ay ərzində Latviyanı tərk etməli olduqlarını bildirən məktub alacaqlar”, - məlumatda deyilir.
Latviya Daxili İşlər Nazirliyinin dövlət katibinin müavini Vilnis Vitolinsin sözlərinə görə, bu əmri yerinə yetirməkdən imtinaya görə cinayət məsuliyyəti yoxdur, lakin cərimə tətbiq oluna bilər.
