Fransada naməlum şəxslər Milli Yığıncağın sədri Rişar Ferranın evini yandırmağa çalışıblar.

Trend-in "TASS"a istinadən verdiyi məlumata görə, bu barədə Milli Yığıncağın saytında yerləşdirilən kommünikedə bildirilir.

Qeyd edilir ki, başlayan yanğını E.Ferranın qonşusu görüb və operativ xidmətlərə xəbər verib. İnsident Milli Yığıncağın sədri ölkənin baş naziri Eduar Filiplə birgə Ren şəhərində işgüzar səfərdə olan zaman baş verib.

Kommünikedə deyilir: "İnsident baş verən yerdə ədyal, qismən yanmış şin və əldəqayırma məşəl tapan milli jandarmeriya əməkdaşları evin qəsdən yandırılmasından şübhə etmirlər".