Azərbaycanda manatın devalvasiyasından sonra bir sıra yerlərdə ciddi çətinliklər yaşanır. Qiymət artımı, iş yerlərində ixtisarların olmasına dair hər gün xəbərlər yayılır.

Devlavasyanın ən çox təsir etdiyi sahələrdən biri də bank sektorudur. Artıq ölkədə bir sıra bankların və bank filiallarının bağlandığıyla bağlı xəbərlər intensivləşib.

Bəlli olub ki, ölkənin ən böyük özəl bankı olan "UniBank" da devalvasiyadan öz payını alıb. Belə ki, bank bundan sonra işçilərə standart 300 manat maaş təklif edəcək. Bu sistemlə razı olmayanlar isə işdən çıxarılmayacaq, sadəcə olaraq onlar özləri işdən çıxmış hesab olunacaq. Bank bu addımı atmaqla heç kimi işdən azad etmədiyini, bankdan gedən işçilərinin öz ərizələriylə işi tərk etdiyi görüntüsü yaradacaq.