Bakıda uşaq arabası ilə gəzən qadına hücum edilib.

Milli.Az xəbər verir ki, hadisə ötən gün Yasamal rayonunda baş verib. Günorta saat 16 radələrində ana övladı ilə evinə qayıdarkən naməlum şəxs tərəfindən hücuma məruz qalıb.

Bu barədə zərərçəkmiş xanımın həyat yoldaşı Rafiq Rəhimov öz səhifəsində məlumat verib. O bildirib ki, bu barədə aydiyyəti qurumlara müraciət olunub, cavab gözlənilir. Rafiq bəy, həmçinin başlarına gələn hadisənin görüntülərini sosial şəbəkədə paylaşaraq hər kəsə müraciət edib:

"Əziz analarımız, bacılarımız, həyat yoldaşlarımız, küçədə olarkən həmişə ehtiyatla gəzin. Ötən gün saat 4 radələrində binamızın blokunda xanımıma və uşaq arabasında olan körpəmə tanımadığımız şəxs tərəfindən hücum olunub. Həmin şəxsin narkoman və yaxud da manyak olub-olmadığından xəbərim yoxdu.

Yoldaşımın arxasınca bloka girərək onu qorxudub və uşaq arabasında olan içi pul ilə dolu cüzdanı oğurlayaraq qaçıb. Allaha şükür, əzizlərimə qorxudan başqa heç bir zərər vermədən aradan qaçıb.

102 - qaynar xətti ilə əlaqə saxladım, başımıza gələn hadisəni danışdım, oradan bildirdilər ki, araşdırma aparılacaq və xəbər veriləcək. Sizdən görüntüləri izləməyi xahiş edirəm".
Videonu bu linkdən izləyə bilərsiniz:http://daytube.az/az/videos/14023/