Tbilisidə yaşayış binasında uçqun oldu, ölən və xəsarət alanlar var
Bu gün, 08:34
Gürcüstanın daxili işlər naziri Gela Geladze və Tbilisi meri Kaxa Kaladze şəhərdə bina uçqunu baş vermiş ərazidə olublar.
Teleqraf-ın yerli bürosu xəbər verir ki, nazir jurnalistlərə açıqlamasında hadisə nəticəsində bir nəfərin öldüyünü təsdiqləyib.
Onun sözlərinə görə, xəsarət alan bir nəfər xəstəxanaya yerləşdirilib.
G.Geladze hadisə ilə bağlı araşdırmaların aparıldığını qeyd edib.
K.Kaladze isə jurnalistlərə müsahibəsində bildirib ki, bina 5-ci dərəcəli qəzalı vəziyyətdə olub. Merin sözlərinə görə, tikilinin bərpası mümkünsüz olub və sakinlər bunu bilirdilər. O, binanın demontaj edilməsi üçün bütün sakinlərin razılığının əldə edilmədiyini vurğulayıb.
