Meksikanın Sonora ştatında hüquq-mühafizə orqanlarının əməkdaşları ilə quldurlar arasında atışma olub.
"Report" RİA "Novosti"yə istinadən xəbər verir ki, bu barədə ştatın prokuroru Rodolf Montes-de-Oka xəbər verib.
Onun sözlərinə görə, toqquşma Ermosil şəhərində olub. Belə ki, quldurlar evlərdən birində axtarış aparmaq istəyən polislərə hücum edib. Atışma zamanı 5 cinayətkar öldürülüb.
Silahlı insident zamanı hüquq-mühafizə orqanlarının əməkdaşları arasında zərər çəkən olmayıb. Hakimiyyət orqanları bildiriblər ki, cinayətkarlar evdə narkotik maddələrin satışı mərkəzini təşkil ediblər.