“Körfəz ərəb ölkələri Əməkdaşlıq Şurasının Ticarət Palataları Federasiyası Azərbaycana ikiqat vergiqoymanı ləğv etməyi, ərəb ölkələrindən məhsul idxalına gömrük rüsumlarını azaltmağı və ölkələr arasında maliyyə əməliyyatlarını sadələşdirməyi təklif edib”.

Bunu Bakıda Azərbaycanla Körfəz ərəb ölkələri Əməkdaşlıq Şurası arasındakı biznes forumu zamanı Ticarət Palataları Federasiyası baş katibi Əbdülrəhim Həsən Nağı deyib.

Baş katib digər təkliflər arasında dəniz marşrutlarının yaradılması, viza rejiminin sadələşdirilməsi və vizanın alınması üçün rüsumun azaldılması imkanlarını qeyd edib. Trend.az