"VAZ" markalı avtomobil iki yük maşınının arasında qalıb xurd-xəşil olub
Günün günorta çağı ikinci dərəcəli yoldan əsas yola çıxan minik avtomobilini "Kamaz" vuraraq digər yük maşınının qarşısına sürüyüb. Avtosfer.az xəbər verir ki, 3 avtomobilin toqquşması nəticəsində minik maşını aşan "TIR"ın ("Scania") altında qalaraq "yoxa çıxıb". Hadisə arxadakı avtomobilin videoregistratorunun obyektivinə tuş gəlib. Tatarıstanın Zainsk şəhərində baş vermiş dəhşətli qəzada "VAZ 2111" markalı avtobilin sürücüsü (80 yaş) və sərnişini (65 yaşlı qadın) həlak olublar. Çuğundur yüklənmiş "Kamaz" və dəmir boru daşıyan "Scania"nın sürücüsü isə ağır yaralanaraq Zainsk mərkəzi xəstəxanasının reanimasiyasına yerləşdiriliblər.
Qeyd olunur ki, "VAZ 2111"-dəki təqaüdçülər ər-arvad olub və onlar dəfn mərasimindən qayıdırmışlar. Ehtimal olunur ki, sürücü dəfn mərasimində alkoqollu içkidən istifadə edibmiş.
[media=https://www.youtube.com/watch?v=SSkCIP_iVGY]
[media=https://www.youtube.com/watch?v=hutWksE5qzg]