Ermənistan-Azərbaycan müharibəsi əlillərinə ödənişlərin verilməsi ilə bağlı hazırda Müdafiə Nazirliyi və digər hərbi qurumlarla birgə dəqiq siyahıyaalma istiqamətində iş gedir.

Bunu jurnalistlərə açıqlamasında Əmək və Əhalinin Sosial Müdafiəsi naziri Sahil Babayev deyib. Nazir bildirib ki, 90-cı illərin əvvəllərində müvafiq uçot, elektronlaşma və digər sənədlər ya olmayıb, ya da çox məhdud sayda olduğundan hazırda bəzi çətinliklər var.

Nazir həmçinin qeyd edib ki, cari il ərzində təxminən 20 minə yaxın şəxsə 120 milyon manat məbləğində vəsaitin ödənilməsi planlaşdırılır.