BMT hətta nüvə münaqişəsinin mümkünlüyü fikrini də ağlasığmaz hesab edir. “Report” xəbər verir ki, bu barədə dünya təşkilatının baş katibinin rəsmi nümayəndəsi Stefan Düjarrik bildirib.

"Nüvə münaqişəsi ideyasının özü sadəcə ağlasığmazdır", - Dujarrik vurğulayıb.

Qeyd edək ki, Rusiya Prezidenti Vladimir Putin Kremldə müdafiə naziri Sergey Şoyqu və Rusiya Silahlı Qüvvələrinin Baş Qərargah rəisi Valeri Gerasimovla görüşündə deyib ki, NATO-nun aparıcı ölkələrinin yüksək səviyyəli rəsmiləri də Rusiyaya qarşı aqressiv bəyanatlara yol verirlər. O, bununla əlaqədar Rusiya ordusunun mühafizə qüvvələrini xüsusi döyüş növbətçiliyinə keçirməyi əmr edib.