Dünən məlumat verərək bildirmişdik ki, adı "MTN işi"ndə hallanan icra başçıları sırasında hazırda Salyan rayon icra hakimiyyətinə başçılıq edən Tahir Kərimov da var.

Əvvəlki xəbər BURADA...
http://www.dia.az/9/88546-mtn-ishinde-daha-bir-bashchinin-adi-kechir.html
Məlumatda qeyd olunurdu ki, keçmiş MTN rəhbəri Eldar Mahmudovla yaxın münasibətlərdə olan Tahir Kərimovun da adı "burulacaq" icra başçıları siyahısına daxil olunub.

Bununla bağlı DİA.AZ-a verilən son informasiyada isə maraqlı bir məqama toxunulub.

Xəbəri verən mənbə bildirir ki, Tahir Kərimov təkcə vəzifəsini deyil, həm də azadlığını itirə bilər.

Bunu iddia edən qaynağın dia.az-a söylədikləri: "Tahir Kərimov zamanında Eldar Mahmudovun adından çox işlər çevirib. İndi araşdırma gedir. Və yaxın vaxtlarda həm araşdırmanın nəticələri aydın olacaq, həm də bu nəticələrə hüquqi qiymət veriləcək"...

Qarşı tərəfi də dinləməyə hazırıq...