Əfqanıstan ordusu Türkmənistan sərhədində yerləşən Qormaç qəzasını “Taliban”dan azad etmək üçün əməliyyat keçirib.

Avropa.info xəbər verir ki, əməliyyat nəticəsində 140 talib ödürülüb. Bu haqda bölgənin polis rəisi Səid Oqo Andarobi məlumat verib.

Andarobi deyib ki, aparılan əməliyyat zamanı “Taliban”ın üç müdafiə xətti dağıdılıb, mühasirədə olan hökumət qoşunlarının yolu açılıb.

Qormaç qəzası taliblər tərəfindən 10 gün əvvəl tutulmuşdu. Hücum nəticəsində qəzanın polis rəisi öldürülmüş, 17 polis itkin düşmüşdü.