Bəzi müğənnilər dost-tanışlarının toyunda təmmənnasız oxumalarına görə onlara vergi borcu yükləndiyini iddia edirlər. Bu məsələ şou-biznes nümayəndələrinin pulsuz ifalarının vergiyə cəlb edilib-edilməməsini gündəmə gətirir.

Vergilər Nazirliyindən bildirilib ki, müğənninin həqiqətən pulsuz oxuyub-oxumamasını müəyyən etmək xeyli çətindir.

Vergilər Nazirliyinin bölmə rəisi Şahin Məmmədovun sözlərinə görə, hansısa müğənni dost-tanış toyunda oxumaqlarına görə vergi tutulmasından narazıdırsa, bəyannamə təqdim edildikdə, həqiqətən də pulsuz oxumasını sübuta yetirməlidir. Bir sözlə, bu məsələ araşdırıla bilər.

Araşdırmalara görə bir sıra şou-biznes nümayəndələri bu yolla vergidən yayınmağa cəhd edirlər. Yanvar-may aylarının statistikası da bunu sübut edir.



xəzərxəbər.com