Türklərin 51,3%-i referendum keçiriləcəyi təqdirdə ölkənin prezident üsuluna keçməsinə “yox” cavabı verəcəyini açıqlayıb.

Axar.az xəbər verir ki, bu nəticə “Sonar” şirkətinin Türkiyədə apardığı sorğudan sonra ortaya çıxıb. 5000 nəfərin arasında keçirilən sorğuda əhalinin 48,7%-i ölkədəki parlamentar sistemin dəyişilməsinin tərəfdarı olduğunu söyləyib.

Qeyd edək ki, Türkiyədə hakim Ədalət və İnkişaf Partiyası ölkədəki parlament idarəetmə sistemini dəyişmək istəyir. Sistemin dəyişilməsinin əsas tərəfdarı Prezident Rəcəb Tayyib Ərdoğandır. MHP AKP-nin bu təşəbbüsünü dəstəkləyir.

Prezident idarəetmə üsuluna keçməyin əsas əleyhdarı CHP və HDP-dir.