Türkiyəyə məxsus zirehli texnikalar Suriya sərhədinə göndərilib.

Axar.az xəbər verir ki, İstanbul 66-cı Briqadasına məxsus zirehli texnikalar Qaziantepə gətirilib, daha sonra Suriya sərhədinə doğru yola salınıb.

37 ədəd BMP və ZPT Qaziantep vağzalında qatardan endirilərək yük maşınlarına qoyulub. Çətin hava şəraitinə baxmayaraq, zirehli texnikalar konvoyun nəzarəti altında yola çıxıb. Hərbi geyimlilərin keçidi əsnasında polis briqadaları tərəfindən avtomobil yolu nəqliyyatın hərəkəti üçün bağlanılıb.

Əldə edilən bilgiyə görə, Suriya sərhədinə göndərilən zirehli texnikalar Əl Bab əməliyyatında və Suriya sərhədində istifadə ediləcək.