Türkiyənin əsas müxalifət partiyası olan Cümhuriyyət Xalq Partiyası (CHP) prezident idarəetməsinə keçidi nəzərdə tutan konstitusiya dəyişikliklərinə qarşı çıxış etməklə terror təşkilatlarına dəstək vermiş olur.
Trend bildirir ki, bunu Türkiyənin baş naziri Binəli Yıldırım deyib.

Nazir deyib: “Konstitusiya dəyişikliklərinə kimlər “yox” deyir? PKK və FETÖ. Onlar terrorçudurlar. Onların “yox” dediyinə biz “hə” deyəcəyik. Başqa kimlər yox deyir? HDP və CHP. Belə görünür ki, CHP terroru dəstəkləyən HDP ilə bir gəmidədir”.