Türkiyədə silahlı insident baş verib.

Musavat.com-un məlumatına görə, iki qrup arasında baş verən atışmada 5 nəfər yaralanıb. Hadisə Diyarbakır əyalətinin Kayapınar rayonunda, bir kafedə, axşam saatlarında baş verib. Məlumata əsasən, iki qrup arasında bilinməyən bir səbəbdən mübahisə yaranıb. Mübahisə qısa müddətdə davaya çevrilib. Silahlarını çıxaran tərəflər atəş açmağa başlayıblar.

Nəticədə 5 nəfər yaralanıb. Tərəflər arasında davanın davam etməməsi üçün yaralılar rayondakı fərqli xəstəxanalara aparılıb. Hadisə yerinə çox sayda polis cəlb olunub. Araşdırmalar davam edir.