İqdır-Naxçıvan avtomobil yolunda baş verən qəzada həyatını itirən 8 nəfərdən 5-i Azərbaycan vətəndaşıdır.

SalamNews-un Türkiyə mətbuatına istinadən verdiyi xəbərə görə, bunu İqdır qubernatoru Əhməd Turqay Alpman açıqlayıb.

Alpman bildirib ki, hadisə nəticəsində yaralanan 28 nəfər İqdır və Aralık dövlət xəstəxanalarında müalicə edilir: “Qəzada ölənlərdən 3-ü Türkiyə, 5-i Azərbaycan vətəndaşıdır. Yaralıların çoxu azərbaycanlılardır. Yaralılardan beşinin vəziyyəti ağırdır.Hadisə nəticəsində ölən sürüclərdən başqa digər 6 nəfərin şəxsiyyətinin müəyyən edilməsi istiqamətində iş aparılır”.

Qeyd edək ki, Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev hadisə nəticəsində 28 nəfər yaralandığını, onlardan 26-sının Azərbaycan vətəndaşı olduğunu bildirmişdi.