Türkiyədə "paralel dövlət" qurmaqda ittiham olunan və ABŞ-ın Penselvaniya ştatındakı dəbdəbəli iqamətgahında yaşayan Fətullah Gülən özünü Məhəmməd Peyğəmbərin (s.a.s) nəvəsi İmam Hüseyinlə (r.a) müqayisə edib.

Avropa.info xəbər verir ki, Fətullah Gülən xütbəsində AKP iqtidarını tənqid edərək, prezident Ərdoğanı Yezidlə eyniləşdirib.

"Zavallı Yezidi müxtəlif cür pisliklərə sövq edən o fikir idi. Özünü bir şey zənn edirdi və Əhli Beytdən olan qırx, əlli insanı "paralel" görərək Kərbəlada onların canlarına qıydı, qanlarını tökdü."

Fətullah Gülən həmçinin Ərdoğan hakimiyyətinə qarşı mübarizə aparacağı və heç bir zaman üzr istəmədiyini də deyib.

"Bizim qüsurumuz, Haqqın verdiyi geniş imkanlardan lazımınca qiymətləndirməmiş olmaqdır. Yoxsa kim Həzrəti Hüseyn və ətrafının Yeziddən üzr istədiyini görüb?"