Şəkidə külli miqdarda pul tapıldı - Sahibi axtarılır/Video
8-01-2019, 08:51
Şəkidə sahibkar mağazadan tapdığı külli miqdarda pulu sahibinə qaytarmaq istəyir, amma pulun kimə məxsus olduğunu bilmir.
Teleqraf.com xəbər verir ki, Şəkinin Cəfərabad kənd sakini Xəyal Qurbanəliyev keçən il noyabrın 24-də mərkəzi bazarın yaxınlığındakı ona məxsus mağazadan külli miqdarda pul tapıb.
O, bir müddətdir ki, pulun sahibini gözləyir. Lakin bu məsələ ilə bağlı hələlik heç kim mağazaya müraciət etməyib.
Xəyal Qurbanəliyev pulun miqdarını bilir. O, ona yaxınlaşan şəxslərdən bütün məlumatları tam dəqiqləşdirəndən sonra pulu sahibinə qaytaracaq.
Xəyal Qurbanəliyev heç kimin bəhanə ilə ona yaxınlaşmasını istəmir. Çünki pulun əsl sahibini gözləyir.
