Bütün dünyada smartfon istehsalçıları yeni cihazların qiymətlərini qaldırmağa hazırlaşırlar.

Bu barədə "DigiTimes" nəşri xəbər verir.

Qiymət artımına səbəb kimi istehsal xərclərinin qalxması göstərilir. Bu, Tayvanın müasir prosessorlar istehsal edən TSMC (Taiwan Semiconductor Manufacturing Company) korporasiyasının məhsulun qiymətlərinin 5-10% artması barədə tərəfdaşlarına məlumat verməsi ilə əlaqədardır.

Bu da öz növbəsində, yeni smartfonların qiymətinə təsir edəcək.

TSMC prosessorları yeni "iPhone"larda istifadə olunacaq. "Samsung Galaxy S26" cihazları TSMC tərəfindən də istehsal olunan "Qualcomm Snapdragon 8 Elite Gen 2" çipləri ilə buraxılmalıdır.