Qoşunlarımız Xersondan 20 kilometr məsafədədir - Ukrayna Prezident Ofisi

9-06-2022, 09:28           
Qoşunlarımız Xersondan 20 kilometr məsafədədir -
Ukrayna qoşunları artıq Rusiya tərəfindən ələ keçirilən Xerson şəhəri ətrafındadır. Əyalət mərkəzində döyüşlərin səsi eşidilir.

Teref.az “Report”a istinadən xəbər verir ki, bunu Prezident Volodimir Zelenskinin Ofisinin rəhbərinin müşaviri Aleksey Arestoviç deyib.

Onun sözlərinə görə, Ukrayna dövlətinin müdafiəçiləri Xersondan az qala 20 kilometr aralıda yerləşir. Arestoviç qeyd edib ki, Ukrayna Silahlı Qüvvələrinə Qərbdən müəyyən yardım hələ gəlməməsinə baxmayaraq, vəziyyət bu cür inkişaf edib.

"Mənim bir sualım var: - siz, Kremldəkilər, nə referendum, əgər Ukrayna Silahlı Qüvvələri Xersondan az qala 20 kilometr aralıdadırsa? Bu, virtual reallığın yaradılmasıdır. Döyüş səslərinin artıq burada eşidildiyini başqa necə izah etmək olar. Xerson sanki yaxınlaşır, bağışlayın, bu şərtlərlə hansı referendum..?”, - o deyib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru