ABŞ OPEK-ə qarşı: Neftlə bağlı bu qərarı dəstəkləmirik
8-12-2018, 10:32
ABŞ azad bazarda istənilən məhdudiyyətlərə, o cümlədən OPEK-in neftlə bağlı qərarına neqativ münasibət göstərir.
Axar.az xəbər verir ki, bunu jurnalistlərə açıqlamasında ABŞ Dövlət katibinin köməkçinin müavini Sandra Oudkirk deyib.
“ABŞ hökuməti 1970-ci il enerji böhranından başlayaraq, onilliklər ərzində OPEK-in bazarı idarəetməsiylə bağlı yanaşmalarına qarşı olub. Biz hesab edirik ki, bazar qüvvələrinin özləri tələbata əsaslanaraq tədarükün səviyyəsini müəyyən etsinlər” – deyə o bildirib.
Qeyd edək ki, dünən “OPEK+” ölkələri ümumilikdə gündəlik neft hasilatını 1,2 milyon barrel azaltmaq haqqında qərar qəbul ediblər. Bu ixtisarın 800 min bareli OPEK-in, 400 min bareli isə OPEK-ə daxil olmayan ölkələrin payına düşüb.
