Qurudakı ən iri məməlilər olan fillər heyvanlar aləminin ən böyük qulaqlarına malikdirlər və bunun çox vacib bir səbəbi var.

Oxu.Az xəbər verir ki, bu barədə "Live Science" məlumat yayıb.

Afrika fillərinin qulaqlarının uzunluğu 2 metr, eni isə 1.2 metrə çatır. Lakin fillər üçün nəhəng qulaqların əsas əhəmiyyəti onları sərinlətməkdən ibarətdir.

Miçigan Universitetindən Uilyam Sandersin sözlərinə görə, fillərin bədəni çoxlu istilik hasil edir. İnsanlardan fərqli olaraq fillər tərləmirlər. Əvəzində onların nəhəng qulaqları soyuducu kimi çıxış edir. Fil qulaqları iri qan damarları ilə doludur ki, bu da onların istiliyi tənzimləməsinə kömək edir.