Fransa Baş naziri Mişel Barnier hökumətinin gələcəyi ilə bağlı ciddi təzyiqlə üzləşir. Onun təqdim etdiyi 2025-ci il sosial büdcəsi, 40 milyard avroluq qənaət və 20 milyard avro vergi artımı təklif edir. Lakin bu təklif həm sağçı (RN) müxalifətin, həm də solçu (NFP) qüvvələrin ciddi müqaviməti ilə qarşılanıb. Bu iki qrup parlamentdə birlikdə hərəkət edərsə, hökumətə etimadsızlıq səsverməsi yolu ilə onu devirmək mümkün ola bilər.
Hökumətin devrilməsi ehtimalı isə Fransanı maliyyə və siyasi böhrana sürükləyə bilər. Hazırda ölkənin büdcə açığı ÜDM-in 6%-nə çatıb ki, bu da Avropa İttifaqının 3% limitindən çoxdur. Bununla yanaşı, siyasi qeyri-müəyyənlik Fransa səhmlərin dəyərini aşağı salıb və bazarlarda inamsızlıq yaradıb.
Bu hadisələr, həm də Prezident Emmanuel Makronun siyasi kursuna ciddi təsir edə bilər. Hökumətin devrilməsi ölkəni erkən seçkilər və ya hökumət dəyişikliyi kimi yeni siyasi proseslərə sürükləyə bilər.
Sarvan Səmədoğlu
TEREF