İki məhbusun qaçmasına yardım edən polis saxlanıldı
2-08-2023, 14:48
Rusiya polisi iki məhbusun qaçmasına kömək etməyə çalışıb.
Publika.az xəbər verir ki, Rusiyanın Yamalo-Nenets Muxtar Dairəsində narkotik satdığı üçün saxlanılan iki məhbusun qaçmasına kömək etmək istəyən polis saxlanılıb. Bu barədə "SHOT" Telegram kanalında məlumat yayılıb.
Bildirilir ki, cinayətkarlar Novıy Urenqoydan olan 21 yaşlı kiçik serjantı onlara qaçmağa kömək etməyə razı salıblar. Polis digər həmkarlarından bibər qazını alaraq, onlara verib.
Məhkumlara qaçışı təşkil etməkdə yardımçı olan polis əməkdaşı saxlanılıb. Onun barəsində “Vəzifə səlahiyyətlərini aşma” maddəsi ilə iş başlanıb.