Argentina millisinin və “İnter Mayami” klubunun hücumçusu Lionel Messi Beynəlxalq Futbol Tarixi və Statistikaları Federasiyası (IFFHS) tərəfindən futbol tarixinin ən yaxşı oyunçusu seçilib.

IFFHS-ə görə tarixin ən yaxşı 10 futbolçusu arasında Pele 2-ci olub. Maradona isə siyahıda ilk üçlüyü tamamlayıb.

Siyahını təqdim edirik:

1. Lionel Messi (Argentina).
2. Pele (Braziliya).
3. Maradona (Argentina).
4. Kriştianu Ronaldo (Portuqaliya).
5. Yohan Kruiff (Hollandiya).
6. Ronaldo (Braziliya).
7. Zinəddin Zidan (Fransa).
8. Frans Bekkenbauer (Almaniya).
9. Alfredo Di Stefano (Argentina/İspaniya).
10. Ronaldinyo (Braziliya).

Messi karyerası ərzində səkkiz dəfə “Qızıl top”u və dörd dəfə Çempionlar Liqasını qazanıb. 2022-ci ildə hücumçu Argentina millisinin tərkibində dünya çempionu olub.