Kanadalı bloqer "Phone Repair Guru" brendinq, qablaşdırma və marketinq qiymətlərini nəzərə almadan "iPhone 13 Pro" komponentlərinin real qiymətini müəyyən etmək üçün eksperiment keçirib.

Gazeta.ru xəbər verir ki, o, bu məqsədlə "AliExpress" platformasında lazımi komponentləri alıb və cihazı özü yığıb.

Hissələrə çəkilən xərclərin ümumi məbləği 373 dollar təşkil edib. Bu, pərakəndə mağazalarda təmir edilmiş "iPhone 13 Pro"nun qiymətindən xeyli azdır və yeni cihazın qiymətindən bir neçə dəfə aşağıdır.

Hissələrin yığılmasındakı çətinliyə baxmayraq, smartfon uğurla işə salınıb. Kamera, "FaceID" sistemi və ekran kimi əsas funksiyaların işlək olduğu aşkar edilib. Bəzi elementlər, məsələn, vibrasiya mühərriki daha aşağı intensivlikdə işləyib. Buna baxmayaraq, yığılmış cihaz bütövlükdə tam funksionallıq nümayiş etdirib.