Amerikalı aktyor Coni Depp və fransız müğənni Vanessa Paradinin qızı cinsi azlıqlara qoşulub. ANS PRESS-in məlumatına görə, Lili-Rouz Depp LGBT-nin üzvü olduğunu elan edib. 16 yaşlı Lili özünü cinsi azlıq hesab edən 10 min qəhrəmanın iştirak etdiyi fotolayihədə iştirak edəcək.

Dünya ulduzlarının qızının lesbi olduğu hələ bu ilin avqustunda hər kəsə bəlli olmuşdu. Lili - Rouz rəfiqəsi Stella Maksvellə "Love" jurnalının səhifələrində görünmüşdü. Rəfiqələrin fotosessiyası lesbiyan münasibətlərə həsr edilmişdi.
Lili-Rouz rəsmi olaraq ilk dəfə ictimaiyyətə 2015-ci ilin aprel ayında təqdim edilib. Yeniyetmə qız anası ilə birlikdə "Chanel"in moda nümayişinə qatılmışdı. KİV-in yazdığına görə, 16 yaşlı Lili atasının yolu ilə gedib aktrisa olmağa qərar verib.

Vanessa Paradi və Conni Depp 14 illik evlilikdən sonra 2012-ci ilin iyun ayında ayrılıblar. O zaman Deppin Emver Xerdlə eşq yaşadığı barədə şayiələr gəzirdi. Nəticədə bu məlumatlar təsdiqini tapdı və Conni Depplə Ember 2015-ci ilin fevralında evləndilər.

Paradi ilə Depp heç vaxt rəsmi nikaha girməyiblər və dəfələrlə münasibətlərini rəsmiləşdirməyə tələsmədiklərini bəyan ediblər. Bu bərabərlikdən onların iki uşaqları dünyaya gəlib — qızları Lili - Rouz və oğulları Cek.