Rusiya xüsusi xidmət orqanları Krımın Baxçasaray şəhərindəki tatarların evlərində kütləvi axtarışlar aparır.

Axar.az xəbər verir ki, bu barədə informasiyanı öz Feysbuk səhifəsində Krım Tatar Məclisinin rəsmi nümayəndəsi Zair Smedlyayev yazıb. Onun sözlərinə görə, artıq dörd nəfər Krım tatarı həbs edilib. Smedlyayev küçələrdə silahlı adamların olduğunu bildirib.

O, Moskvanın bu addımla tatarları 18 may Krım tatarlarının deportasiya günü ərəfəsində qorxutmağa, onların küçələrə çıxmasının qarşısını almağa çalışdığını deyib.