Prezident Aşqabadda: Böyük layihəyə doğru daha bir addım
22-11-2018, 09:09
Azərbaycan həmişə Türkmənistana sərfəli təkliflər edib.
Bu sözləri Axar.az-a Prezident İlham Əliyevin Türkmənistan səfərini şərh edən politoloq Əhəd Məmmədli deyib. O bildirib ki, Xəzər dənizində mübahisəli ehtiyatlar məsələsində Bakı Aşqabada doğru addımlar atıb:
“Çox güman ki, səfər zamanı Transxəzər qaz kəmərinin çəkilməsi bağlı ilkin razılıqlar əldə ediləcək”.
Politoloq vurğulayıb ki, Transxəzər qaz kəmərinin çəkilməsi Azərbaycan-Türkmənistan münasibətlərinin yaxınlaşmasına səbəb olacaq:
“Bu layihənin baş tutması Aşqabad üçün çox önəmlidir. Türkmən qazı üçün yeni istiqamətlər açılacaq”.
Qeyd edək ki, Azərbaycan Respublikasının Prezidenti İlham Əliyev noyabrın 21-də Türkmənistana rəsmi səfərə gedib.
