Hindistanın Rişikeş şəhərində kuryoz hadisə baş verib.

Oxu.Az Rusiyanın NTV telekanalına istinadla xəbər verir ki, küçədə gəzən öküz park edilmiş skuteri təsadüfən qaçırıb.

Hadisənin yer aldığı görüntülər sosial şəbəkələrdə paylaşılıb.

Videodan görünür ki, öküz skuterə nəzər salaraq, onu inəyə bənzədir.

Heyvan bundan sonra nəqliyyat vasitəsinin üzərinə çıxıb. Skuter yerindən tərpənərək özü ilə öküzü aparıb.

Gəzinti cəmi bir neçə saniyə davam edib və dəmir hasara çırpılmaqla başa çatıb.