Ukrayna Premyer Liqasının 27-ci turunda Kiyev "Dinamo"nun "İnqulets" üzərində qazandığı 4:0 hesablı qələbədən sonra "Şaxtyor"un çempion olmaq üçün riyazi şansları qalmayıb.

Oxu.Az xəbər verir ki, kiyevlilər 67 xalla çempionata liderlik edirlər, liqanın bitməsinə isə cəmi üç tur qalıb. "Şaxtyor"un 57 xalı var və komanda üçüncü yerdədir.

Beləliklə, "mədənçilər" 1999/2000-ci il mövsümündən sonra ilk dəfə Çempionlar Liqasında iştirak etməyəcəklər.

Qeyd edək ki, yalnız Ukrayna çempionu Çempionlar Liqasında (ikinci təsnifat mərhələsindən) mübarizə aparacaq.

Xatırladaq ki, ötən mövsüm Ukrayna çempionu adını "Dinamo"nu 2 xal qabaqlayan "Şaxtyor" qazanmışdı.