İsmayıllı Rayon Polis Şöbəsinin rəisi işdən çıxarılıb.

APA-nın məlumatına görə, şöbənin rəisi Nizami Qocayev xidmətdə olmanın son yaş həddi ilə bağlı tutduğu vəzifədən kənarlaşdırılıb.

Rayon Polis Şöbəsindən sayta N. Qocayevin işdən çıxarılması xəbərini təsdiqləyiblər.

Bildirilib ki, şöbənin rəisi vəzifəsini hazırda rəis müavini Şöhrət Kərimov icra edir.

Saytın əldə etdiyi digər məlumata görə, N. Qocayev daha yüksək vəzifəyə təyinat alıb. teref.az xatırladır ki, ötən gün jam.az saytı Nizami Qocayevin Pentensiar Xidmətə təyin olunacağını yazmışdı.