“Turist bölgələrində kazinolar yaradılmalıdır”.

Cebhe.info xəbər verir ki, bu təkliflə Milli Məclisin iclasında millət vəkili Qüdrət Həsənquliyev çıxış edib.

Q.Həsənquliyev qeyd edib ki, hökumət bu barədə düşünməlidir: “Gürcüstan və Türkiyədə belə bir təcrübə var. Bu sayədə bu ölkələr çoxlu gəlirlər əldə edirlər. Elə insanlar var ki, məhz kazinoya görə həmin ölkələrə üz tuturlar. Biz də turizm obyektlərində kazinolar yaratmalıyıq. Bir çox azərbaycanlılar kazionolara getmək üçün xarici ölkələrə üz tuturlar. Hətta bu məqsədlə fəaliyyət göstərən turizm mərkəzləri mövcuddur. Yaxşı olardı ki, onlar öz ölkəmizdə uduzsunlar, onsuz da kazinoda udan olmur. Bu da iqtisadiyyata əlavə gəlir gətirər”.